<AI1>

1      Cyflwyniad

 

</AI1>

<AI2>

1.a  Cyflwyniad ac ymddiheuriadau

 

</AI2>

<AI3>

1.b  Datgan buddiannau

 

Ni chafwyd datganiadau o fuddiant.

 

</AI3>

<AI4>

1.c   Cofnodion y cyfarfod blaenorol

 

Cymeradwywyd cofnodion cyfarfod 31 Ionawr.

 

</AI4>

<AI5>

2      Ystâd y Senedd a ffyrdd o weithio yn y dyfodol

 

Trafododd y Comisiynwyr y camau nesaf yn dilyn trafodaethau am Strategaeth yr Ystâd ym mis Tachwedd a mis Ionawr. Cydnabuwyd y berthynas gyd-ddibynnol rhwng ffyrdd o weithio a'r amgylchedd gwaith.

Cytunodd y Comisiynwyr i ddwyn ynghyd yn ffurfiol uchelgeisiau’r Comisiwn ar gyfer gweithio ystwyth a gweithio hyblyg, yr adolygiad o gapasiti, a'r gofynion llety mewn un strategaeth Ffyrdd o Weithio a rhaglen gyflawni gysylltiedig. Nodwyd map trywydd lefel uchel Ffyrdd o Weithio a'r broses datblygu achos busnes, fel y’i nodwyd, a chymeradwywyd elfennau cychwynnol y gwaith hwn ar gyfer eu datblygu'n gyflym o dan gynllun gweithredu interim. Trafododd y Comisiynwyr bwysigrwydd sicrhau bod y trefniadau llywodraethu ar gyfer y materion strategol bwysig hyn yn gadarn, a phwysleisiwyd y pwysigrwydd y maent yn ei roi ar ymgysylltu ac ymgynghori drwy gydol y broses. Wrth wneud hynny, mynegwyd cefnogaeth i weithio gyda phartneriaid i ddeall anghenion pawb sy’n gysylltiedig.

Byddai’r cynlluniau gweithredu’n cynnwys, mewn perthynas â llety ym Mae Caerdydd:

•          cyflogi ymgynghorwyr eiddo i roi cyngor penodol,

•          drafftio strategaeth bresenoldeb, gan ymdrin â modelau gweithio hybrid,

•          cyflogi ein hymgynghorwyr swyddfa i gynnig cyngor pellach ar symud y tu hwnt i’n cynlluniau peilot presennol ar gyfer gweithio hybrid,

•          dechrau’r broses ffurfiol o gadarnhau gofynion Llywodraeth Cymru ynghylch ei defnydd o ystâd y Senedd yn y dyfodol a datblygu opsiynau ar gyfer sut i fodloni’r gofynion hynny, ac ysgrifennu at y Bwrdd Taliadau i fynegi diddordeb mewn gweithio’n agos ar faterion sy’n ymwneud â ffyrdd o weithio yn y dyfodol.

O ran presenoldeb rhanbarthol y Senedd, byddai’r cynlluniau cychwynnol yn cynnwys:

•          prosiect i archwilio cynigion ar gyfer hybiau Senedd rhanbarthol yn y gogledd, y canolbarth a’r gorllewin, gan nodi amseroedd mewn perthynas â swyddfeydd Bae Colwyn, a

•        chysylltu’n ffurfiol â Llywodraeth Cymru ynglŷn â defnyddio dull partneriaeth i ddatblygu opsiynau ar gyfer hybiau Senedd rhanbarthol.

Cytunodd y Comisiynwyr hefyd y dylid cynnal adolygiad mewnol ynglŷn â defnyddio adeilad y Pierhead yn y dyfodol.

 

</AI5>

<AI6>

3      Strategaeth Cyfathrebu ac Ymgysylltu

 

Gwnaeth y Comisiynwyr drafod a chytuno ar y Strategaeth Cyfathrebu ac Ymgysylltu ar gyfer y Chweched Senedd. Mae’r Strategaeth yn tynnu ar gyflawniadau’r Bumed Senedd a’r cyfleoedd niferus sydd wedi codi yn sgil y pandemig i gynyddu cyfranogiad ac ymgysylltiad. 

Trafododd y Comisiynwyr bwysigrwydd cyrraedd y 'lleisiau tawel', a dangos perthnasedd y Senedd i fywydau'r rheini yng Nghymru.

 

</AI6>

<AI7>

4      Y contract arlwyo

 

Trafododd y Comisiynwyr opsiynau ar gyfer y contract arlwyo, a chytunwyd i ail-dendro am gontract byrrach. Pwysleisiwyd arwyddocâd graddfeydd cyflog cyfartal ar gyfer staff ar gontract â’r rhai sy’n cael eu cyflogi gan y Comisiwn, a nodwyd y byddai’r hyn a benderfynir yn galluogi gwaith i gael ei wneud fel y byddai opsiynau ar gyfer darpariaeth yn y dyfodol hefyd yn ystyried awydd y Comisiwn i gefnogi cyfleoedd yng Nghymru.

 

</AI7>

<AI8>

5      Canlyniad yr adolygiad o ddangosyddion perfformiad allweddol

 

Cytunodd y Comisiynwyr ar newidiadau i'r dangosyddion perfformiad allweddol corfforaethol, a nodwyd datblygiad mesurau dangosyddion llwyth gwaith ac allbwn mewnol. Cytunwyd i gael data dangosyddion perfformiad allweddol interim sy’n adlewyrchu pwynt chweched mis y flwyddyn.

 

</AI8>

<AI9>

6      Y wybodaeth ddiweddaraf am ddiogelwch

 

Cafodd y Comisiynwyr adroddiad cynnydd ar y camau sy'n cael eu cymryd i gefnogi Aelodau i wneud gwelliannau diogelwch ac ar waith y Tîm Diogelwch i gynyddu ei effeithiolrwydd ymhellach wrth gefnogi Aelodau i gadw’n ddiogel.

Cytunwyd y byddai'n ddefnyddiol i'r wybodaeth gael ei rhannu â’r holl Aelodau fel dechrau proses o sicrhau bod yr Aelodau’n cael y wybodaeth ddiweddaraf am y materion hyn yn rheolaidd.

 

</AI9>

<AI10>

7      Seiberddiogelwch

 

Cafodd y Comisiynwyr fanylion am y camau a gymerwyd eisoes i ddiogelu’r Senedd rhag ymosodiadau seiber, ynghyd â’r camau gweithredu sydd yn yr arfaeth neu a awgrymir at y dyfodol er mwyn aros yn barod i ddelio â natur esblygol y bygythiad, sydd wedi dwysáu oherwydd digwyddiadau rhyngwladol diweddar.

Gofynnodd y Comisiynwyr am i friffio uniongyrchol gael ei gynnig i bob un o'r grwpiau plaid.

 

</AI10>

<AI11>

8      Springtide

 

Cafodd y Comisiynwyr wybodaeth am y trefniadau a fyddai ar waith yn dilyn marwolaeth y Frenhines, gan gynnwys cynlluniau teithio i'r Aelodau bryd hynny.

 

</AI11>

<AI12>

9      Diweddariad ynghylch Covid

 

Nododd y Comisiynwyr y gwaith sy'n cael ei wneud ar yr asesiad Risg Corfforaethol mewn ymateb i'r newidiadau diweddaraf i'r fframwaith rheoleiddio Covid a'r newidiadau a ragwelir.

Trafodwyd pwysigrwydd parhau i fod yn weddol ofalus ac arwyddocâd y cymorth a roddir i bobl sy'n gweithio ar yr ystâd.

 

</AI12>

<AI13>

10  Papurau i’w nodi:

 

</AI13>

<AI14>

10.a                Diweddariad y Bwrdd Gweithredol (penderfyniadau RAD)

 

Nododd y Comisiynwyr y crynodeb arferol o benderfyniadau recriwtio a ddarperir i bob cyfarfod o’r Comisiwn.

 

</AI14>

<AI15>

11  Unrhyw fater arall

 

Yn y cyfnod ers y cyfarfod diwethaf, mae’r Comisiynwyr wedi gwneud un penderfyniad ar gynigion i osod plac coffa ar ystâd y Senedd.

 

</AI15>

<TRAILER_SECTION>

</TRAILER_SECTION>

<LAYOUT_SECTION>

1.  FIELD_TITLE

 

FIELD_SUMMARY

 

</LAYOUT_SECTION>

<TITLE_ONLY_LAYOUT_SECTION>

2.  FIELD_TITLE

 

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

 

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

 

FIELD_SUMMARY

</ TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

 

</ COMMENT_LAYOUT_SECTION>

 

<SUBNUMBER_LAYOUT_SECTION>

2(i)          FIELD_TITLE

 

FIELD_SUMMARY

 

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2(ii)          FIELD_TITLE

 

</TITLE_ONLY_SUBNUMBER_LAYOUT_SECTION>